Fundacion Smile Mobile a bira un realidad

Despues cu na september 2012, sr. Igor Croes a cuminsa cu su soño di un mobile ambulante unda ta brinda servicio di limpia y drecha gratuitamente planchi djientenan na tur e casnan di anciano.

Tur weekend bo por mira e Smile Mobile riba nos carteranan na caminda pa cas di nos grandinan.

Sr. Igor Croes ta wordo asisti den e proyecto aki pa su fiel ayudantenan, sra.Magaly Franken y Julio Bosnie.

Como cu sr. Igor Croes ta miembro di Aruba Lions Club desde comienso di e proyecto Smile Mobile, Aruba Lions Club a haci Smile Mobile tambe parti di su programa anual y ta aporta financieramente tambe cu esaki.

 

Pa duna Smile Mobile un forma huridico a scoge pa converti’e den un fundacion. Diabierna 16 juni ultimo den presencia di notario mr. Ralph E. Yazagaray a firma e acta oficial p’asina Fundacion Smile Mobile a bira realidad.

Como prome directiva a keda forma den personanan di: sr. Igor Croes Presidente, sra. Magaly Franken tesorera, sr. Julio Bosnie, sra. Gabriela Kock-Helder secretaria y sr. Randolf Vrolijk como representantenan di Aruba Lions Club den e directiva.

Top