Fundacionnan cientifico di partido AVP a entrega e raport preliminar di 1000voz na Mike Eman

Diamars atardi, lider di partido AVP Mikie Eman a haya e raport preliminar di e evento exitoso 1000voz cu a tuma lugar den fin di siman den Hilton Hotel cu participacion di centenares di hende. Miembronan di fundacionnan dr. Mito Croes y Digna lacle-Herrera tabata presente na e momento special aki di entrega di e raport.

 

Lider di e partido inovativo AVP, Mike Eman despues di a tuma e raport a haya un splicacion amplio di Tyson Lopez, kende a repasa punto pa punto kico a wordo treci dilanti dor di e participantenan. Kico tabata e ponencia di cada topico – p. e. sostenibilidad of economia – y kico tabata e preocupacion y deseonan.

 

President di Fundacion dr. Mito Croes, sr. Philippe LaReine a bisa cu nunca e por a pensa cu un idea cu a bin riba mesa djis algun luna pasa a resulta den un exito fenomenal asina.

Awor mester bay bek den nan seno y sigui traha rib’e datonan cu a acumula pa yega na solucionnan pa loke a wordo trreci dilanti.

 

Presidente di Fundacion Digna Lacle-Herrera sr. Rycond Santos Dos Nascimento tambe a expresa su satisfaccion pa e gran trabou haci y su inmenso gratitud pa tur cu traha rib’e evento cu a haya un acogida grandisimo den pueblo. E ta contento cu e resultado, pero trabou no a caba aki. Ta awor e ta bay cuminsa.

 

Despues cada miembro di ambos fundacion a haya oportunidad pa conta di nan experiencia y a sigui un discusion masha interesante entre nan hunto cu lider di partido Mike Eman.

Otro siman e raport definitivo ta keda presenta na prensa y di eynan ta sigui traha den gruponan di enfoke pa hunto yega na e miho resultado posibel.

Tur hende tabatin si un opinion en comun: e exito a surpasa tur expectativa.

Top