Fundraising Aquathon di Barracudas Synchro tabata un gran exito!

 

Barracudas Synchro Aruba a tene su di 4 aquathon diasabra 11 maart ultimo. E evento a tuma lugar na piscina Olimpico Roly Bislik.

E idea tras di evento ta pa cada atleta busca mas tanto sponsor pa cada buelto cu nan lo landa durante 2 ora largo.

Tambe ta posibel pa haya sponsor pa un suma fiho. E atleta nan a acerca famia, amistad y comerciante p’e sponsorship.

 

E suma recauda ta pa yuda e atleta p.e. pa biahenan cu lo haci pa participacion na competencianan internacional.

Tur atleta di principante t’esnan mas avansa a landa mas hopi lane cu nan tabata por durante e 2 ora nan.

Mientrestanto e atletanan tabata landa, tabatin hopi publico presente pa apoya nan, y e publico por a disfruta di musica di DJ Derrick Koolman.

 

E atleta cu a landa mas hopi buelto e aña aki tabata Neftaly Albertsz cu 273 buelto.

E suma cu e atleta aki a recuada lo haci uso di dje proximo luna caba na unda Neftaly hunto cu Abigail de Veer lo bay representa Aruba n’e US Nationals, cu lo tuma lugar na Tucson Arizona.

Por wak mas potret di e actividad aki di Barracudas Synchro Aruba rib’e pagina di Facebook.

 

Top