Futbol ta crea muhernan cu caracter!

Hende muher ta hungando futbol desde existencia di e deporte. E prome wega graba na Inglatera ta data desde 1892. Tin mas evidencia di esaki hasta hopi prome cu e temporada aki mes.

 

Nos Team Nacional ta orguyoso di por introduci nos team damas den competencia 2017 – 2018; un team dinamico di futbol femenino. Asina aki nos ta yuda Aruba henter desaroya nan abilidad den deporte, ademas di engrandece e salud di nos ser femenina. Nos mester tin un pueblo saludabel fisicamente, mentalmente y social. Specialmente nos hubentud.

 

Nos team di damas Nacional su programa ta pa siña no solamente e tactica y tecnica di e deporte sino tambe con pa hunga y actua den cualkier ambiente competitivo.

Nos ta encurasha nos atletanan pa ta creativo y tuma riesgo di formacion personal pa crea confiansa den nan mes y kibra tur barera cu nan por tin.

 

Pa cu esaki nos team ta orguyoso di por conta den e dianan aki cu dos profesional den futbol di damas p’asina yuda nos mas ainda rib’e tereno aki.

Cu satisfaccion enorme nos kier presenta na Aruba henter, specialmente na e ser femenino: Soraya Verhoeve y Elise Meijerink. Soraya ta hunga p’e team di Ajax y Elise ta hunga pa SC Heerenveen.

 

Henter pueblo di Aruba, especialmente TUR nos sernan femenino ta cordialmente invita pa pasa y join nos team dinamico tur dialuna, diaranson y diabierna.

For di 7:30 – 9:00 di anochi riba nos veld na Alto Vista.

 

Sigur nos ta cla pa duna tur informacion necesario. Persona di contacto ta Olga Rodriguez via WhatsApp 592-8748.

 

Sernan femenino ban demostra cuanto nos por! Y sinti orguyoso di forma parti di un team dinamico… y mas cu tur cos sinti BON di ta super saludabel!!!

Top