Gamma ta anuncia distribuidor nobo di Payroll Pro na Suriname

Payroll Pro Ultra ta un software completo pa tur e necesidadnan di payroll y HRM cu a wordo crea specificamente pa tur cliente di e region Caribe, dor di desaroyador di software local, Gamma IT Solutions. Diferente distribuidor tin mas di un decada ta bende, implementa y support e pakete di software den diferente parti di nos region Caribe.

Riba 1 di juli, Gamma a inclui un otro distribuidor riba nan lista, cual ta 101-Consultancy cu lo sirbi e clientenan na Suriname.

 

101-Consultancy a wordo funda na 2005 y tin como focus pa provee servicionan di ICT basa riba un cultura ‘one-on-one’ pa cliente. Cu e fin di adapta nan mes na e necesidadnan di nan clientenan, nan ta uza metodonan di comunicacion directo y un sistema di ‘help-desk’ support cu ta na nivel di e standards internacional. 101-Consultancy ta autorisa pa bende, implementa y support un variedad di paketenan di software na Suriname, awo incluyendo Payroll Pro Ultra.

 

Gamma ta orguyoso di por asocia cu 101-Consultancy cu e meta di por hiba e beneficionan extraordinario di Payroll Pro Ultra na organisacionnan comercial y gubernamental na Suriname.

“Nos semper ta hopi exita pa por expande nos alcanse den un region y nos tin confiansa cu 101-Consultancy tin e motivacion y experiencia pa por alcansa hopi cliente nobo na Suriname”, asina Frank Baks, Director di Business Development ta comparti.

 

Mientras cu Gamma y 101-Consultancy lo traha hunto pa e cresemento di Payroll Pro den e Mercado di Suriname, nan ta mirando e posibilidad pa habri un mercado nobo na Guyana.

Claramente, Payroll Pro ta creciendo den e region di Caribe, y su sistema di HRM ta birando hopi conoci.

Baks ta agrega, “E solucion unico di HRM cu nos a integra completamente cu Payroll Pro ta birando mas atractivo cada biaha na clientenan rond di nos region. No ta importa e size di e compania of e industria cu e ta representa, e HRM module ta realisa un variedad amplio di tareanan, cual ta trece mas eficiencia y funcionalidad n’e departamento di HR di cualkier compania.”

Leave a Reply

Top