Gamma ta desaroya ESTA pa un Aruba mas sigur

Desaroyador local di software Gamma IT Solutions recientemente a acorda pa desaroya ESTA Aruba pa Gobierno di Aruba. E contract oficial a wordo firma cu Minister di Husticia Arthur Dowers dia 9 di maart, lansando asina e proyecto excitante aki.

ESTA (Electronic System for Travel Authorization) pa Aruba lo ta un sistema nobo online pa obligatoriamente registra tur e bishitantenan pa Aruba. Tur e bishitantenan planeando un trip pa Aruba lo bay na un “user friendly” website oficial di Gobierno pa aceso na e sistema di aplicacion.
ESTA Aruba lo sirbi como un add-on rib’e sistema di seguridad cu tin actual na Aruba. E ta un expansion di e sistema di maneho pa controla nos frontera conoci como RADEX cu tambe ta desaroya pa Gamma.
ESTA Aruba lo tin un sistema completo di pre-screening (API) pa futuro bishitanantenan, abilitando asina autoridadnan local pa controla e bishitantenan cu e listanan nacional y internacional signala y e black listnan, facilitando autoridadnan di imigracion Arubano pa tuma medidanan necesario adelanta.

 

Frank Baks, director of business development na Gamma ta comparti: “un di e motibo nan di mas importante di Aruba cu ta atrae bishitantenan, ta nos nivel halto di seguridad y nos mester proteha e aspecto balioso y importante aki pa turismo di Aruba, mas cu nunca.

Nos desaroyadornan ta hopi excita pa e oportunidad duna un biaha mas, pa por asisti Gobierno di Aruba den pone tur e medidanan necesario cu lo yuda na garantisa un isla sigur pa tanto local como turista.”

 

E sistema nobo di biahe autorisa lo wordo implementa dentro di 6 luna. Gamma lo avisa agencia nan di biahe como tambe companianan di aviacion operando buelonan pa Aruba tocante e sistema nobo di registracion pa tur esnan concerni por dirigi nan clientenan apropiadamente na e website di ESTA Aruba.

 

Baks ta añadi, “tur bishitantenan di Aruba lo mester paga $10,- na e ESTA website pa e autorisacion pa por biaha pa Aruba. E suma aki lo ta valido pa biaha pa Aruba 2 aña.

No solamente e rekisito nobo lo promove mas siguridad rib’e isla, pero tambe lo sirbi come un entrada extra pa Aruba.

Leave a Reply

Top