Gelatissimo Bistro a introduci un menu local completamente nobo den curason di Oranjestad

Un lunch na Oranjestad nunca a baha asina bon! Gelatissimo Bistro, situa na Plaza Daniel Leo, na cabes di Caya Grandi na Oranjestad, a caba di introduci un menu local, celebrando Aruba su platonan faborito.

Aruba su cuminda, reflehando e isla su herencia Hulandes y Spaño, ta rico y varia, y awor pa prome biaha, e chefnan talentoso di Gianni’s Group a pone hunto un fiesta culinario impresionante.

 

Hendenan local, cu un carta di identificacion Arubiano valido, tambe lo ta contento cu e prijsnan di dolar riba e menu, obtenible na florin.

E menu ta cuminsa cu un sabroso Carni Stoba, cushina lentamente y saborea cu batata, wortel y ciboyo; Arroz con Pollo, e specialidad Latino delicado cu galiña y berdura ta sigui riba e lista; y despues bo lo wak Frekedel di Pisca, tremendamente sasona y sirbi cu un saus dushi y un tiki pica.

 

Algun di e platonan riba e menu ta bin Aruba for di e continente oriental, via e colonialnan Hulandes den nos pasado: Curried Shrimp, combinando un Kerrie Indio autentico cu crema, y Sate di Galiña, cubri cu un saus di pinda yen di sabor. Tambe riba e lista di plato popular t’e Pisca Crioyo, cual ta un preparacion iconico di filet di jampau, garantisa pa deleita tur amante di cushinamento crioyo.

Tur plato ta escolta pa un escogencia di Batata Horna, French fries, Aroz Basmati, Batata Rustica, Salada Mescla, Funchi Hasa of Banana Hasa, e complimento perfecto pa tur cuminda.

Amantenan di salada bishitando Gelatissimo lo keda deleita den e salada contemporaneo di Quinoa & Buffalo Mozzarella Fresco, cu edamame, bonchi, promenton y dressing di balsamico y mosterd, of e Awacati Galiña riba un plato di lechuga iceberg, cu concomber, wortel, y ciboyo, siribi cu dressing di Ranch of Blue Cheese.

 

E restaurant ta ofrece un escogencia di sopi fresco tur dia, y algun tremendo pasapalo manera Mini Pastechi, Empanada Argentino, Baked Chicken Wings y Kroket.

E bunita bistro ta habri di dialuna pa diasabra, di 11am pa 8pm, y e ta orguyoso di por sirbi e koffie Italiano autentico di Illy, resultando den cappuccino y espressonan perfecto, e mihor gelato natural riba e isla, y pressed Panini Italiano.

E bistro ta ofrece tremendo calidad na prijsnan reasonable, cu un toke distintamente Europeo – come na e restaurant, of pidi cuminda pa hiba.

Banda di dje ta situa Gelatissimo Bar, den curason di e plaza, unda nan ta specialisa den cocktails y martinis, y ta sirbi bebidanan refrescante, biña y cerbes, den un ambiente casual y dibertido, cu un perspectivo perfecto pa wak loke ta pasando rond di bo.

E Happy Hour diario ta sirbi bebida na prijsnan sumamente atractivo!

Top