Gendarme a detene un sospechoso cu a tira riba Polis n’e parti Hulandes

PHILIPSBURG – Un di e sospechosonan den losmento di multiple tiro riba Polis na Sucker Garden, St. Maarten a keda deteni diarazon anochi dor di Gendarme y nan a haya tambe e scooter cu a ser usa den e caso aki.

 

T’asina cu diarazon ultimo den oranan di merdia pa mas o menos 03.30 p.m. un patruye policial haciendo un control riba e caminda di Sucker Garden direccion Bishop Hill, kier a para un vehiculo pa control. Riba un scooter, tabatin dos persona. Ambos persona riba dicho scooter tabatin helm bisti, loke a haci’e poco dificil pa identifica e personanan aki.

 

Asina cu patruya policial a pdi pa nan para, un di e ocupantenan a saca un arma di candela y sin ningun clase di precaucion a cuminsa tira riba e Polisnan y asina a logra baha na awa.

E patruya policial no tabatin otro escogencia pa percura pa nan propio seguridad y a cuminsa tira bek riba e sospechonan aki.

 

E sospechosonan aki a sigui nan caminda y a cruza frontera na altura di Coralita y a siga asina p’e French Quarter area.

Durante e persecucion aki Gendarmes Frances a keda informa di kico tabata tuma lugar y asina di nan banda a cuminsa cu nan investigacion.

Asina e investigacion a sigui te den oranan lat di anochi, pa despues logra pone man riba un di e sospehosonan, kende a ser pasa pa Polisnan n’e parti Hulandes pa sigui cu nan investigacion.

 

 

Top