Gerald Hilario Nicolina asesina den su cas riba cama

WILLEMSTAD – Awe tardi alrededor di 3:29pm, Central di Polis a ricibi yamada di un caso di tiramento cu a tuma luga den un cas den Penstraat.

 

Na yegada di e prome unidad nan a topa un homber drumi den camber di un cas cu diferente herida di bala na su curpa. A pidi presencia di ambulance, pero na nan yegada no por a haci nada mas pa e victima. Dokter di Polis a constata morto di e homber Gerald Hilario Nicolina, naci na Corsou dia 13 di januari 1977.

 

For di investigacion realisa na e sitio a sali na cla cu dos homber lo a yega na e cas en cuestion den un auto y baha bay paden. Un bes paden, un di nan a pone pistol na cabes di un habitante mientras cu e otro a pasa bay den camber y los algun tiro dirigi riba su victima, cu consecuencia fatal. Despues nan a move bay for di e sitio den un auto cu despues a bin resulta kima den e area di Coronet. Investigacion den e caso aki ta continua.

Top