Gerlien Croes ta anuncia oficialmente su candidatura riba lista berde di AVP

Manera AWEMainta a publica recientemente cu Gerlien Croes tin su intencion pa subi lista di AVP como candidato. Awe esaki lo tuma lugar y a cuminsa traha hunto cu su team pa prepara pa e eleccion Parlamentario na september 2017.

Como miembro di directiva di ‘Fundacion Formacion Politico Digna Lacle-Herrera’, Gerlien ta un candidato cu a traha riba su vision y formacion politico. Awe diabierna 19 di Mei e ta haci e intencion, di uni su mes cu partido AVP, oficialmente.

 

  1. GERLIEN CROES

Despues di a finalisa su V.W.O., Gerlien Croes sigui studia ‘Bachelor den Ley Internacional Europeo’ na Universidad di Den Haag. Na 2013 el a finalisa su ‘Master den Globalisacion y Ley’. Actualmente e ta aplicando su conocemento profesional como consehero di maneho na Oficina di Relacionnan Europeo y Reino.

For di hoben, mr. Gerlien Croes tabata mira un futuro den politica. Semper el a sinti e importancia di por sirbi su pais y pueblo, Aruba.

 

Un dicho cu semper el a gusta, y riba cua el a purba basa tur loke e haci den su bida, ta: “No puntra bo mes kico bo pais por haci pa’bo, si no kico abo por haci pa bo pais,” palabranan profundo y inspirativo di Presidente John F. Kennedy.

Segun mr. Gerlien Croes el a sigui su estudionan den ley, pasobra cu ta ofrece un base amplio pa por sirbi su pais como profesional, pero tambe como politico.

 

BIDA FAMILIAR

Banda di su carera profesional, y awor politico, mr. Gerlien Croes ta mama di dos yiu homber, Nate-Anton y Terrence. Hunto cu su partner Christopher nan ta forma un famia jong, dinamico y cu ta sostene Gerlien totalmente den e reto nobo su dilanti. Gerlien ta yiu di Marlien Lacle y Gerrit ‘Ricky’ Croes.

 

Awe diabierna ta cuminsa 6:30pm cu un caminata cuminsando for crusada di Bright Bakery y ta sigui pa Hooiberg 24, cas di ex-Parlamentario di fraccion di AVP, Duke Croes.

Durante e caminata animacion musical ta den man di Mellow y MC Samil. E anochi ta habri cu un evento di lansamento sigui pa un celebracion cu tremendo ambiente musical, di entre otro, DJ Jason Croes, Nutzbeatz y pa sera e anochi na grandi: TSUNAMI.

Leave a Reply

Top