Girls Night Out na Paseo Herencia!

Diasabra ultimo, Paseo Herencia a tene un evento special p’e damanan p’asina mustra e variedad grandi di tiendanan cu tin na nan mall. E evento di “Girls Night Out” a laga tur e fashionistanan di e isla di Aruba haya e oportunidad p’asina wak kico ta lo ultimo den moda.

Durante e anochi ora bo yega bo lo a ricibi un passport y riba dj’e tin tur e tienda nan cu ta participa na “Girls Night Out”. Cu e passport bo por a pasa na Aruba Aloe, Maggy’s, Carmen Steffens, Kok Optica, Pandora y e famoso Wet Bar & Sushi Lounge.

Aruba Aloe a laga tur bishitante conoce nan habon di mas nobo cu ta ful organico traha di oatmeal y sin laga afo cu e habon a gana premio internacional como miho habon riba mercado na

Miami. Carmen Steffens a presenta nan coleccion nobo directo for di Brazil.
Maggy’s tabatin nan famoso “HoRa LoCa”, caminda cu bo ta haya 50% OFF riba productonan selecta y durante e eventonan a lansa nan “colored hair extensions” p’e daring divas!

Kok Optica ta conoci pa tin e ultimo modelonan di bril di marca nan manera Dior, Jimmy Choo, Cartier y hopi mas! Pandora a lansa nan coleccion nobo y tabatin un special di gift with purchase durante e anochi.

Ora cu participantenan a pasa den tur e tiendanan, nan por a bay den Wet Bar & Sushi Lounge, mustra nan passport ful yen p’asina haya nan champagne y sushi gratis!
Prome 50 damas cu a yena nan passport a haya un tas di Paseo Herencia cu yen di regalitos di e tienda nan participante. E damas cu a bishita e mall a keda feliz y gosa di e anochi glamoroso yena cu sorpresa!

Paseo Herencia kier a gradici tur esnan cu a forma parti di e evento y na mes momento invita pueblo pa keda pendiente p’e next “Girls Night Out!”.

Leave a Reply

Top