Gobernador Boekhoudt a nombra Evelyna Wever Croes como Formador

Gobernador sr. J.Alfonso Boekhoudt ayera a tuma decision pa nombra, mr. sra. Evelina C. Wever-Croes como Formador

Tabata dia 6 di october ultimo, Informador mr. Arie J. Swaen a entrega relato di su trabao na Gobernador.

 

A base di e relato aki di Informador, Gobernador a hiba combersacion individual cu lidernan di partido MEP, POR y RED.

Den liña cu e relato di Informador, Gobernador a dicidi di nombra sra. Mr. Evelina Wever Croes como Formador, loke cu a tuma lugar ayera.

 

Gobernador a pidi e Formador pa forma un coalicion cu ta consisti di partidonan MEP-POR-RED, y asina por conta riba un sosten di mayoria den Parlamento, y na interes di Aruba formalisa un decision cu por wordo carga p’e partidonan di coalicion.

 

E Formador lo haci su trabao independientemente y lo sa di cumpli cu e encargonan duna pa Gobernador y lo sa di informa Gobernador di e avancenan di e deliberacionnan aki.

 

Top