Gobernador Boekhoudt di bishita na Mariniers Kazerne

Recientemente Gobernador Alfonso Boekhoudt tabata huesped special na Mariniers Kazerne na Savaneta caminda cu el a ser ricibi pa Comandante Luitenant-Kolonel der Mariniers Timon van Dishoeck.

Sr. Gobernador a ricibi un rondleiding amplio di e diferente divisionnan di e base militar y a sera conoci tambe cu entre otro sra. Zuleika Leon, kende t’e persona responsabel p’e personal local. Gobernador tabata hopi interesa tambe pa conoce mas di serca e tarea importante di Kustwacht y tambe e proyecto di Reformacion Social di nos hobenan.

Gobernador Boekhoudt a keda masha impresiona y statisfecho cu e bishita y a desea tur esnan envolvi di e tarea importante di vigilancia y defensa di nos isla hopi forsa y exito den nan funcion.

Leave a Reply

Top