Gobierno a formalisa e status di ‘nonactief’ di Minister Paul Croes: Ta di lamenta con cierto ‘medio di comunicacion’ ta purba crea mal impresion atrobe

Manera cu ya caba ta conoci for di dia 30 di maart Minister Paul Croes hunto cu Minister President Mike Eman den un declaracion na prensa a anuncia cu Paul Croes lo tuma distancia di su funcion como Minister p’asina duna espacio na Ministerio Publico pa por haci nan trabou.

E decision aki a wordo formalisa por medio di un decreto (LB) unda ta traspasa autoridad y responsabilidad na Minister mr. Angel Bermudez.

 

Atrobe a tuma nota di informacionan incorecto di cierto medio di comunicacion cu ta purba troce e berdad y sensacionalise na nan antoho y anti-profesional.

E decreto gubernamental aki a wordo manda pa Parlamento di Aruba y tambe na autoridadnan concerni p’asina formalisa den un forma transparente y legal e status di Minster Paul Croes.

 

For dia 28 di maart Minister Paul Croes no a firma ningun documento mas cu ta conerni su ministerio (contrario na cierto medio di prensa ta publica).

Gobierno di Aruba conforme cu peticion di Parlamento di Aruba di e forma aki ta formalisa e status di nonactief cu Minister Paul Croes a tuma na momento cu a haci entrada hudicial na su cas.

Un decision etico y corecto cu e Minister a tuma p’asina no influencia e investigacion.

 

E decreto a wordo formalisa y ta un procedura cu a keda realisa riba 12 di mei.

Ta lamenta cu atrobe ta purba di trece un ‘twist politico’ y insinuativo pa purba mancha e imagen di e hoben politico cu ta simplemente un formalisacion di un procedura anteriormente anuncia. Ta importante pa keda refuta cualkier informacion eroneo pa comunidad.

Top