Gobierno di Aruba ta invita NGO’s Pa un tayer riba e metanan pa desaroyo sostenibel di Nacionnan Uni 2030

Gobierno di Aruba por medio di su comision cu ta encarga cu proceso di implementacion di e Metanan pa Desaroyo Sostenibel 2030 di Nacionnan Uni (SDGs), kier invita organisacionnan no gubernamental (NGOs) pa un tayer riba e 17 metanan sostenibel cu ta tuma lugar dianan 8 y 9 di februari 2017.

 

Na cuminsamento di 2017 Gobierno di Aruba a instala un comision cu ta encarga pa coordina e proceso di implementacion di metanan pa desaroyo sostenibel aki na Aruba.

E comision ta trahando estrechamente cu Nacionnan Uni haciendo uzo di metodonan pa yega na un implementacion exitoso.

Den cuadro di esaki e comision a organisa tayernan pa sector publico pa nan por familiarisa nan mes cu e metanan sostenibel pa 2030.

 

E tayernan aki tabata sumamente exitoso. Siguiendo e trabou, segun metodo di Nacionnan Uni, tayernan pa NGOs ta wordo organisa pa despues sigui pa sector priva.

E tayernan ta wordo organisa riba dos diferente anochi y cada anochi ta trata topiconan diferente. E prome anochi, t’awe 8 di februari 2017 ta trata e topiconan, ‘Ser Humano’ y ‘Nos Planeta’.

E siguiente anochi, ta trata Prosperidad Economico, Paz y Derechonan. Tur dos tayer ta tuma luga na MFA Noord cuminsando pa 6’or di atardi pa 8’or y mey di anochi.

Pa registra pa participacion por registra via sdgaruba@gmail.com

 

Top