Graduacion programa Liderazgo Colaborativo pa Educacion

Dia 14 di februari ultimo na Universidad di Aruba, Rector mr.dr. Glenn Thodé, hunto cu facilitador principal renombra Janet Sanders, a entrega na 23 graduado di e programa Liderazgo Colaborativo pa Educacion un certificado.

Ta di tres biaha cu e programa aki a wordo ofreci na Aruba. Mitar di e graduadonan tin funcion di cabesante o suplente di un scol. Un di tres parti ta guiador di alumno.

Mitar di tur graduado ta traha den scolnan primario, di e resto mayoria ta traha na solnan di educacion avansa.

Di varios distrito di Aruba,manera Playa, San Nicolas, Sta. Cruz y Noord tabatin participante den e programa indica.

E certificado ricibi ta prueba cu a cumpli cu e rekisitonan di e programa cu un duracion di 9 luna. Durante e periodo aki e participantenan a amplia nan conocimento riba teoria y practica di con ta desaroya y fomenta liderazgo colaborativo.

Cada graduado a demostra di por a traha y ehecuta un plan di desaroyo personal, guia y facilita otro grupo y personanan, traha un estudio di e profil cultural di su organizacion y a planea y cuminsa ehecuta un proyecto accion basa riba investigacion.

 

 

 

Top