Gran Congreso di Sanacion y Liberacion presenta pa Misioneros di Jesus Aruba cu e tema: “Ami, Señor ta cu bo!” Yozue 1: 9

Fundacion Misioneros di Jesus Aruba hunto cu nan Director Spiritual Rev. Pastoor Rey Nares tin e grato placer di invita comunidad di Aruba pa un gran “Congreso di Sanacion y Liberacion”. Durante e congreso lo tin como invitado Rev. Presbitero Fray Rafael Guzman Gabriel, O.P. for di Cochabamba, Bolivia.

Manera tur aña e Fundacion di Misioneros di Jesus Aruba ta organisa un congreso unda cu un cantidad grandi di fielnan di Aruba ta bin hunto p’asina scucha mas di e palabra di Señor, tambe pa aumenta nan Fe y, haya sanacion spiritual, fisico y hopi mas.

Rev. Fray Rafael Guzman tin tambe e don di exorcismo pa core cu tur cos malo cu ta molestia bo.

 

E congreso tin un duracion di 2 dia, cual lo tuma lugar diabierna 17 y 18 di november 2017 na Sport Boys Club na Angochi, Santa Cruz di 7:00 pm – 11:00 pm,

Carchinan ta obtenibel na: Citgo Boulevard; Citgo Essoville; The Smiling Shop; Dowco Santa Cruz; Botica Santa Cruz; Botica Santa Anna; Restaurant El Chalan y Refresqueria Mayor.

Pa mas informacion por yama 730-2055 of 564-0224 y por bishita e pagina di Facebook di Misioneros de Jesus Aruba.

 

Misioneros di Jesus kier gradici tur persona y instancia cu di un of otro forma ta yudando pa haci evento aki realidad.

Comunidad completo di Aruba ta keda cordialmente invita pa pasa busca bo entrada y asina ricibi e sanacion tan anhela. Cu pa Dios nada no ta imposibel!

 

Leave a Reply

Top