Grand Master Sir Chaco Jose Cornelio a duna curso di arbitro y training di defensa na Ecuador

Siman pasa Grand Master Sir Chaco Jose Cornelio a duna curso di arbitro y training di defensa propio na un grupo special di Polis na Ecuador.

Durante e dianan 10 pa 13 di februari, Grand Master Sir Chaco Jose Cornelio a duna curso di arbitro n’e refereenan nacional di Ecuador.

Un grupo grandi di referee nacional for di diferente parti di Ecuador a sigui e curso di arbitro aki pa nan siña e reglamentonan nobo di World Taekwondo Federation.

 

Entrante di dia 1 di januari 2017, World Taekwondo Federation a introduci reglamentonan nobo di combate. Ecuador no kier keda atras y a acerca Grand Master Sir Chaco Jose Cornelio pa duna un curso di 3 dia cu a culmina na examen di practica y teoria. Un total di 30 referee nacional a participa n’e curso aki.

 

Mirando e experticio di Grand Master Sir Chaco Jose Cornelio tambe riba e tereno di defensa propio, e grupo special di Polis di Ecuador a aserca Grand Master Chaco Jose Cornelio pa un training di defensa propio.

E training aki a bay bon y a cay na agrado di tur e participantenan, ya cu tur e tecnicanan cu nan a haña for di Grand Master Chaco Jose Cornelio tabata diferente y di nivel hopi halto.

 

Noord Taekwondo Center ta felicita Grand Master Sir Chaco Jose Cornelio cu su prestacion na Ecuador, ya cu semper e ta hiba e nomber di Aruba pa dilanti den exterior.

 

Top