Grupo cu ta trafica den hende muher pa Aruba gara na Punto Fijo, Venezuela

Durante siman cu pasa Guardia Nacional Bolivariana di e Destacamento de Seguridad Urbana del CZGNB-13, a detene 7 persona den e sector San Luis na Amuay, municipio Los Taques.

Riba e grupo aki autoridad Venezolano ta haya 1 kilo di cocaina y dos pistool caliber 9mm.

E detencion a sosode despues di varios dia di investigacion riguroso,di parti efectivonan militar.

 

Entre e detenidonan tin 4 dama, di edadnan cu ta varia entre 27 22 y 20 aña.
E 3 hombernan nan edad ta entre 20 cu 41 aña. Esnan deteni ta procedente di Punto Fijo mes, Maracay y Barinas.

Durante nan detencion GNB ta haya dos celular, caminda nan ta haya What’s Appnan y yamadanan di e grupo aki.
E grupo aki ta dedica nan mes tambe na trafico di hende. Esaki ta un di e gruponan cu ta negocia hende muher, caminda cu e muhernan aki ta wordo usa aki na Aruba pa explotacion sexual.

Aki nos ta wak y comproba cu tin negoshi grandi y lucrativo di traficacion di hende muher, cu fin di traha como prostituta riba e isla di Aruba, den “bordeelnan” clandestino, conoci pa solamente un grupo selecta !

(foto ta di ArubaNative.com)

Top