Grupo di Nagico Insurances Aruba a gradua pa curso di Time Management

Recientemente un grupo di empleado di Nagico Insurance Aruba a sigui e curso Time Management cu a wordo presenta pa drs. Ina Croes di B & P Interface Training and Consultancy. E curso a focus riba con pa plania y haci uso di bo tempo na trabao.

Gerencia di Nagico ta kere den inverti den nan empleado y p’e motibo aki nan ta percura pa nan empleadonan ricibi curso riba un variedad di tereno cu ta relata na nan trabao.

Upgrading di un empleado ta un inversion den mehoracion continuo di bo servicio na cliente.

 

E participantenan a siña den un forma hopi practico con pa: Establece nan meta y con pa dedica tempo pa logra esaki; Analisa e manera con pa usa nan tempo regularmente; Plania nan tarea na trabao y nan deseo nan personal; Stipula prioridad den trabao, kico nan mes por haci y kico por wordo delega na otro empleado.

 

Esnan cu a gradua p’e curso aki ta: Annique Wever, Cefrenne Koolman, Christa Croes, Ghislaine van der Linde, Pauline Arendsz y Marinan Oduber.

B & P Interface Training kier a extende un palabra di felicitacion na tur esnan cu a gradua y desea nan hopi exito den nan trabao.

Leave a Reply

Top