Guardacosta a detene 6 Venezolano indocumenta yegando Aruba

Guardacosta di Caribe Hulandes, (KWCARIB) den e anochi di diasabra 9 pa diadomingo 10 di september a logra detene un boto cu 6 Venezolano serca di Aruba.
Tabata casi mei anochi, cu e operador di radar di KWCARIB a detecta un boto sospechoso den nos becindario.

Inmediatamente a saca un Super-RHIB for di punto di sosten di Aruba, cu a ser dirigi parti zuid-oost, unda nan a logra intercepta dicho boto cu 6 persona abordo.

 

Tur 6 ta Venezolano, tur indocumenta y nan tabatin intencion of a purba di drenta Aruba, ilegalmente.

E boto a keda confisca y hiba p’e punto di sosten na Savaneta pa mas investigacion, mientras cu e capitan y un tripulante a keda deteni acusa di trafico di hende, pa cual nan lo tin cu presenta den Corte di Husticia proximamente.

 

E demas personanan indocumenta a keda deteni y a ser pasa pa autoridadnan local, e.o. Warda nos Costa pa mas investigacion pa despues deporta nan pa Venezuela atrobe.

E hecho aki lo ser investiga sigur mas profundo.

 

Leave a Reply

Top