Guardacosta a intercepta transporte di arma y droga

Diahuebs, 2 di maart 2017, Guardacosta di Caribe Hulandes a intercepta un boto transportando arma y droga. E operador di radar di e Centro di Rescate y Coordinacion a detecta movecion pazuid di Corsou. Un unidad a sali for di punto di sosten Parera pa investiga.

Pazuid di Daaibooi, a topa cu un boto tipo yola, cu tabatin cuater persona abordo. A controla e boto y descubri un cantidad di droga, seis arma y municion skerpi.

E cuater sospechoso, tres di nacionalidad Venezolano y un Dominicano, a keda deteni y entrega na autoridad, hunto cu e arma y droga confisca. Investigacion di e caso ta continua.

 

Top