Guardacosta cu control intensivo na Aruba tey pa sigui haci esaki sin anticipacion

For di diahuebs ultimo, dilanti costa y den awanan rond di Aruba, tabatin un control intensive riba tur barco cu tabata yega y sali for di Aruba.

E stationsschip Zr. Ms. Van Amstel, cu ta opera como parti di Guardacosta di Reino den Caribe, hunto cu participacion di Cutter Panter y di otro unidadnan di Guardacosta cu tin su punto di sosten na Aruba, a “bishita” varios embarcacion local como otronan cu tabata yega Aruba, a haci un listracion formal, enbusca di actividadnan illegal cu nan lo por a haci nan mes culpable di esaki.

 

Mester bisa cu den esaki tambe a participa e unidadnan di Guardacosta, esta a haci uso di e avionnan pa patruya, cu a sali for di Hato, manera e DASH-8 y helicopter  AW 139.

Tambe for di e stationsschip e NH-90, e helikopter di Zr. Mr. van Amstel a participa n’e patruye aki.

Durante e accion aki di parti di Guardacosta a participa tambe, Douane, Maritieme Politie, Imigracion y Directie Scheepvaart Aruba.

 

Durante e accion aki, a drenta informacion cu un sambuyador a bira malo, ora cu e tabata sambuya banda di e rifnan di Barcadera.

Inmediatamente a manda e helicopter di Guardacosta, e AW 139, mientras cu a manda tambe e embarcacion di Maritieme Politie pa bay brinda e asistencia necesario.

 

Yegando n’e sitio, miembronan di tripulacion di Guardacosta y tambe di Maritieme Politie a subi e boto di e Scol di Sambuya, unda e sambuyador malo tabata.

Abordo a dun’e e prome asistencia y a sali pa Barcadera, unda e sambuyador a ser recibi pa personal di Ambulance pa hib’e Hospital.

 

Riba e embarcacionnan cu a ser controla, e oficialnan di husticia a haya un arma di candela, cu a ser confisca.

Tur e participantenan n’e accion di lustracion intensivo aki, por mira tras riba un bon cooperacion di e partnernan cu mester sa di tene un control rigoroso riba tur embarcacion, pero tambe riba e personal y nan carga.

 

E partuye y control intensivonan aki no anuncia, sigur lo continua y haci pa Guardacosta y tur esnan conserni na Aruba, como parti di combatimento di trafico di droga, arma y tambe di personanan ilegal.

 

 

Leave a Reply

Top