Guardacosta ta detene 26 Venezolanonan indocumenta

Ayera den oranan di marduga, unidadnan di Guardacosta a detene 26 Venezolanonan indocumenta y pasa nan pa Cuerpo Policial di Corsou.

 

E Dash-8 di Guardacosta a detecta e boto sospechoso pazuid di Oostpunt, Corsou, caminda a manda dos unidad di Super RHIB pa intercepta. E Dash-8 a dirigi e unidadnan n’e sitio y pa 2:35 a intercepta e boto mas o menos dos miya pazuid di Oostpunt.

 

A detene persona abordo, tur di nacionalidad Venezolano. E boto a wordo hiba na punto di sosten na Parera. E detenidonan, 17 hende homber y 9 hende muhe, a wordo entrega na Cuerpo Policial di Corsou. E caso ta bou di investigacion.

Leave a Reply

Top