Guardian Group ta felicita Aruba Doet

 

Guardian Group Fatum cu su team di 40 boluntario kier a felicita Aruba Doet cu e bon trabou desplega y tambe tur boluntario cu a yuda rib’e dia aki.

E experiencia tabata en berdad: “Hasi bon, Pasa bon” y fuera di esey siña hopi tambe di e scol cu Guardian Group a yuda cual ta: Colegio Conrado Coronel kleuter- y basisschool.

 

Prome cu a cuminsa cu e trabounan e team di scol a brinda un desayuno y tene un presentacion di e metodo con e scol ta guia su 450 alumnonan y dicon ta inculca disciplina, compasion y respet na un base continuo.

Fuera di esey e scol ta multi lengual cu hopi actividad pa tene e alumnonan ocupa y motiva. Tur boluntario di Guardian Group a experiencia esaki tambe dor di haci movecion cu musica bou guia di e juffrouwnan pa los curpa y mente y cuminsa traha cu energia y sonrisa riba cara.

 

Gerencia di Guardian Group Fatum ta super orguyoso di cada empleado cu a participa cu Aruba Doet y gradici e team di maestronan di Colegio Conrado Coronel kleuter- y basisschool pa cu e bon trato ricibi. Guardian Group Fatum ta contento di por a duna un man na esnan cu mester di ayudo y ta cla pa sostene Aruba Doet 2018.

Top