H.O.T. ta invita hubentud di Aruba pa bin topa cu Luigi Bergen

Awe diahuebs 9 Maart 2017 e hala hubenil di MEP, esta Hubentud Orguyoso y Talentoso (HOT) ta organisa un hot meeting cu Luigi Bergen, kende tin 22 aña como docente di Colegio EPI, a fungi 25 aña como coach di baseball y softball, 27 aña activista pro husticia social y tin 4 aña como candidato activo riba lista di MEP.

Luigi Bergen ta inclina pa fortifica nos identidad cultural, manera nos Papiamento como idioma di instruccion, nos musica, nos arte, nos baile, y historia Arubiano.

 

Durante e encuentro aki e hobennan por haci pregunta y scucha un poco di e vision di Luigi como candidato di partido MEP.

E encuentro aki ta cuminsa pa 7’or di anochi n’e Hotzone di sede di MEP na Santa Cruz y ta wordo transmiti live via facebook page di HOT-MEP di cual por haci pregunta y haya contesta.

Leave a Reply

Top