Habitante ta kima den cas

WILLEMSTAD – Diabierna 14 di april 2017, alrededor di 3:24, Central di Polis a dirigi un unidad policial na Roermondstraat pa un cas cu ta na candela y cu probablemente e habitante lo ta den e cas.

 

Na yegada di e unidad policial, nan a constata cu ta trata di un cas di palo cu tabata completamente na candela. Unidadnan di bombero cu a yega na e sitio a cuminsa cu pagamento di e candela y no por a evita cu e cas a kima por completo.

Durante pagamento di e candela e personal di bombero a topa cu un kurpa sin bida parcialmente carbonisa.

 

Dokter di Polis cu a yega na e sitio a constata morto. Riba ordo di Fiscal di Ministerio Publico a confisca e curpa pa mas investigacion. Te na momento aki no a identifica e persona cu a haya den e cas oficialmente. E causa di e candela ta den investigacion.

Leave a Reply

Top