Hala hubenil di partido MEP ta un realidad! Inscripcion diaranson 18 di januari 2017

Reaccionnan ta hopi positivo relaciona cu re-activacion di e hala hubenil di MEP, esta HOT, lidera pa hobennan talentoso cu hopi energia pa por hiba MEP su hala hubenil den un nivel halto un biaha mas.

 

Plannan ta hopi y e equipo ta hopi motiva pa por traha y haci un diferencia. Pa por logra esaki ta haci un yamada na tur hoben entre 15 pa 35 aña pa inscribi diaranson 18 di januari na ‘Hot Zone’, Cede di MEP na Santa Cruz pa 7’or di anochi.

 

Durante di e inscripcion lo tin un presentacion cortico di e meta di e hala hubenil sigui pa inscripcion di miembronan. Candidatonan di MEP tambe ta presente pa contesta cualkier pregunta di nos hobennan.

 

Pa esnan cu inscribi lo haya un HOT t-shirt pa lansamento oficial di e hala hubenil HOT dia 24 di januari den un evento grandi di partido den Savaneta.

Top