Hans-Georg Roehrbein nombra como Gerente General di Hilton Aruba Caribbean

Hilton a anuncia e nombramento di Hans-Georg Roehrbein como Gerente General di Hilton Aruba Caribbean Resort & Casino su propiedad di 357 kamber, cual recientemente a completa un renobacion multi-miyonario.

Mas recien Roehrbein a sirbi como Gerente General di Cairo Marriott Hotel & Omar Khayyan Casino na Egypte, unda el a supervisa e operacion di e hotel aki cu tin mas di 1,000 kamber, cu 14 fuente di cuminda y bebida, y mas di 1,600 miembro di ekipo.

 

Procedente di Alemania, Roehrbein ta un veterano di mas di 30 aña den e industria di hospitalidad, despues di a cuminsa su carera como un Sous-Chef na Miami Airport Marriott Hotel na Florida.

Den transcurso di mas di tres decada, el a desaroya su talentonan denter di e organisacion di Marriott.

 

Su prome 10 añanan a enfoca riba operacionnan di cuminda y bebida na hotelnan den ciudadnan principal na Merca y Bermuda, mientras cu e 20 y pico añanan despues  a mira Roehrbein ta actua den rolnan di Gerente General y Gerente di Residente na India, Jamaica, Puerto Rico, Egypte y hasta na Aruba, unda el a habri e Aruba Marriott Resort & Stellaris Casino y a actua como e gerente di residente pa 3 aña.

 

Hans-Georg ta trece cune un experiencia excepcional den operacion y cuminda y bebida, como tambe un record comproba di aumenta e relacion entre huesped y miembro di ekipo, mientras cu el a sigura relacionnan positivo y proactivo di doñonan.

Mirando su experiencia na Aruba den pasado, e ta familiar cu e destinacion y ta contento di por regresa pa encabesa e reposicionamento di Hilton Aruba Caribbean Resort & Casino.

 

 

Top