Haya un bista di e vehiculonan di motor cu no a cumpli cu pago di nan belasting

Di e 20% di vehiculonan cu falta di cumpli cu pago di belasting, ta wordo reparti como lo siguiente.

Vocero di Departamento di Impuesto, Mevely Romano a splica cu e categoria cu mas hopi tin cuenta habri, t’e A-nummernan, cu un total di 13.487, sigui p’e bromernan cu tin 2267 cu tin registra, 634 no a paga nada mes. Manera ta conoci, motociclistanan tin cu paga nan number den un solo biaha, cu ta representa 28% di e bromernan registra.

 

E siguiente categorianan cu no ta cumpli tampoco t’e V-wagennan, unda tin 516 number pa wordo paga di 4313 V-wagen cu tin na Aruba.

E categoria cu no a paga net nada, t’e trucknan di diesel, cu tin 227, cu no a paga nada mes. Tin un total di 1138 truck di diesel registra.

 

Por corda asina, con e doñonan di truck di diesel hasta a organisa un manifestacion dilanti di Bestuurskantoor, pasobra nan di cu no por paga nan belasting den un solo biaha. A dicidi di haci un excepcion y a laga nan paga tog den parti, pero asina mes, tin 227 cu no a paga net nada ainda.

Top