Hipocrismo politico no ta conduci na bon gobernacion, segun Julie de Cuba

Si no ta paso ta trata di algo hopi serio lo mi a hari. Awor aki solamente mi por sacudi cabes y pidi pueblo votador un cos. Informa bo mes y refresca bo memoria pa sa ken ta ken den politica. Y cua partido ta nobo.

No ta paso cu politiconan a laga nan partido y bai forma hunto un otro partido e partido ey ta nobo. No ta otro nomber of otro color ta defini si un partido ta nobo.

Ta un forma diferente di hiba politica y introduccion di pensamentonan nobo, cu no ta conforme e politica tradicional, ta haci cu por bisa cu un partido ta nobo.

No ta imposibel pa un persona cu a ripara na caminda cu su pensamento politico ta robes, pa dicidi di cambia y adapta su ideanan. No, paso tur hende ta haya e beneficio di duda, segun Julie de Cuba.

 

Sinembargo, tin varios hecho a base di cua pueblo por husga pa su mes.

E cantidad di placa hinca den e campaña electoral di e partido:

pa paga borchi, bandera, sticker, jingles, spotnan y air time na radio y tv, salario na candidatonan, contractnan costoso di publicidad, etc.;

 

E falta di transparencia di unda e tantisimo placa ta bin, pasobra tur hende sa cu ni cu bo organisa tur dia bendemento di BBQ, etc. e no ta trece miles y miles y hasta miyones di florin den caha di partido;

 

E mentalidad di ataca hende na nivel personal, e arogancia adkiri dor cu ya caba a fungi como Minister, Parlamentario y/of coordinador cu de paso tur ta complice den creacion di e debe miyonario y den e corupcion gubernamental;

 

E falta di ideanan propio y di no para pa derechonan humano. Principalmente e derecho di cada persona pa dicidi kico e ta hinca den su curpa sin cu e ta wordo considera un criminal. Cu si ta di acuerdo, cu e idea tradicional cu dokternan por hinca droganan kimico pisa den un persona su curpa sin cu e persona a duna su concentimento y cu tin mas chens di mata cu cura. Cu ta contra cannabis recreacional y no contra alcohol cu ta un droga totalmente recreacional y destructivo tambe. Y cu kier sigui mira con usuarionan di cannabis ta sigui wordo criminalisa y perde nan posibilidad di estudio y trabou;

 

E falta di sinceridad pa tuma regulacion di cannabis na serio cu hustamente ta cumbini e pueblo pasobra e uzo (ya existente) ta wordo mara na reglanan stricto di: edad, calidad, conocimento, control, etc. Cu sa cu no ta un free-for-all ta bay tin y cu toch ta gaña pueblo lo contrario;

 

Cu ta compronde masha bon mes cu ken cu uza e idea di partido ReD di regula/legalisa cannabis ta un siguidor y no un leader. Y tin cu hasta ta papia di duna monopolio riba cannabis medicinal na compinchi politico. Sin ta paso nan tin miedo di perde voto den e eleccion aki ya nan lo a anunci’e. Y ken sa cuanto ideanan mas di ReD nan lo sigui tuma over como siguidornan.

 

Tur e puntonan menciona aki riba ta identifica partidonan tradicional cu no ta partido nobo, Julie de Cuba ta termina.

Top