Hipólito “Eddy” Ras di E Forsa Nobo: Pa por structura un maneho di fenomeno drop-outs di scol mester di cifranan concreto

Ora ta wordo papia di drop-outs, na prome instancia mester tira un bista kico ta wordo comprendi en general bou di e tema aki. Drop-outs ta hobennan cu no ta sigui scol segun cu ta stipula pa ley. Aki na Aruba tin ley di leerlplicht. Leerplicht ta wordo mara na edad y/of “startkwalificatie” (cual ta wordo comprendi bou di: un cierto nivel di scol / diploma exigi), Eddy Ras ta splica.

 

E edad y/of e diploma exigi ta wordo stipula a base di e maneho cu Gobierno ta ehecuta. Actualmente e ley di leerplicht introduci na Aruba ta,cu un alumno mester ta na scol entre 4 pa 16 aña, of si e termina un scol secundario prome cu e edad stipula. Si tira un bista di cua ta startkwalificatie cu ta wordo referi den leerplicht, ta EPB Arbeidsmarkt. No mas, e “startkwalificatie” no ta wordo exigi den leerplicht, segun Ras.

 

Riba tereno internacional diferente estudio a wordo haci riba e situacion cu ta cuasa drop-outs. Di aki a resulta cu tin diferente motibo cu hobennan ta laga scol prome cu tempo.

E drop-outs ta wordo diferencia den 2 typo:

 

“Klassieke risicoleerling”.

Esaki nan ta hobennan cu tin e situacion cu dificultad pa sigui un enseñansa, cu ta wordo parti den:

“Niet kunners”: hobennan cu no tin capacidad pa logra yega na e startkwalificatie.

“Verhinderen of overbelasten”: hobennan cu tin capacidad pa logra yega startkwalificatie, pero circumstancia ta stroba / desmotiva nan pa sigui nan enseñansa.

“Opstappers”: hobennan cu sin tin historia cu problema, pero a yega nan edad cu ta cumpli cu e edad di leerplicht (cu aki na Aruba ta momento cu e hoben a cumpli 17 aña), y nan ta dicidi di bay traha sin tin un startkwalificatie.

 

Den rapport di “Drop-outs op Aruba” ta bin dilanti cu, a base di onderzoek y den dialogo cu diferente partido cu tin di haber cu e fenomeno di drop-outs, a purba pa trece e scenario di e problematica aki na Aruba.

Lamentabelmente aki na Aruba no tin mucho informacion cu tin di haber con drop-outs a bin ta desaroya durante e añanan escolar. Tampoco no a logra haya raportnan y/of cifranan mas reciente cu tin di haber cu drop-outs.

Si tira un bista den raport di CBS, por constata cu aki na Aruba e fenomeno di drop-outs ta alarmante, Ras ta continua bisando.

 

E datonan di CBS mester wordo aclarea: pa medio di tin cifranan mas concreto y cua ta e situacionnan cu ta bin mas dilanti, por structura un maneho pa e tema di drop-outs.

Asina como Gobierno bo sa unda pa bay inverti y cu lo duna resultado positivo.

Actualmente, POR tin reunion di consulta cu diferente stakeholdernan den enseñansa.

Pa medio di e reunionnan di consulta lo nos lo purba yega na e scenario cu tin di haber cu drop-outs. Tambe nos lo manda preguntanan pa e Minister encarga cu Enseñansa tocante di e tema menciona pa medio di Parlamento.

Locual cu si mester bay wordo exigi y miho stipula den leerplicht ta “kwalificatieplicht”. Kwalificatieplicht ta e ley cu ta stipula e startkwalificatie, ta locual Eddy Ras a duna di conoce.

Top