Hoben bou influencia ta ocasiona accidente na Cashero

Diadomingo den oranan di marduga, un accidente a tuma lugar riba caminda di Cashero, caminda un auto a bolter.

 

Polis a presenta n’e sitio y topa cu un SUV color cora bira di banda y un otro SUV Ford blanco, ambos cu basta daño material. A constata cu e chauffeur di e SUV cora tabata bou influencia di un of otro substancia y tabata coriendo cu velocidad sumamente halto.

El a dal semi-frontal cu e SUV Ford pa despues bolter.

 

E chauffeur hoben aki a wordo atendi cu ne un dia prome pa autoridad, y awor ta bolbe haya su mes den problema, pa cual awor a deten’e. A pidi personal di Ambulance pa controla un di e pasaheronan di e auto cu tabata sinti dolor. Fotos cortesia di ArubaNative.com

Top