Zr.Ms. Groningen ta intercepta droga

Siman pasa Zr.Ms. Groningen den colaboracion cu United States Coast Guard, a logra intercepta 125 kilo di droga.

E interceptacion aki a tuma lugar net den awa teritorial dilanti di costa di Panama. Esaki a bira e di 3 inceptacion di Zr.Ms. Groningen desde 5 di juni cu el a bin cubri area di Caribe.

Groningen (2)Tabata un buelo di patruya di e helicopternan NH90 abordo di Zr.Ms. Groningen, nan a tuma nota di un boto rapido cu 3 persona abordo.

E speedboat aki tabata bay direccion di costa di Panama, cu varios paki di droga abordo.

A base di e informacionnan aki, a dicidi di pone e botonan di velocidad halto di Guardacosta di Caribe Hulandes, esta e FRISC-nan di Zr.Ms. Groningen pa persigui e boto cu droga.

Un avion Mericano di patruya di United States Customs Service a asisti den localisacion di e boto cu droga. Pa ora cu FRISC a logra na stop e boto, e no tabatin e droganan mas abordo.

E helicopter NH90 hunto cu dos botonan FRISC di Zr.Ms. Groningen a cuminsa cu un accion di buskeda cubriendo e ruta cu e boto a pasa.

Porfin nan a logra haya 5 paki di harddrugs pa un peso total di 125 kilo. E personal abordo di e boto, y e droga a ser paga pa Guardacosta Mericano, pa nan sigui cu nan investigacion. Otro bon trabao di Zr.Ms. Groningen, cu sigur ta dunando su fruto p’e motibo cu el a ser manda Caribe.

One thought on “Zr.Ms. Groningen ta intercepta droga

  1. Hola, esto es un comentario.
    Para borrar un comentario simplemente accede y revisa los comentarios de la entrada. Ahí tendrás la opción de editarlo o borrarlo.

Comments are closed.

Top