Homber a maltrata su mesun primo pa un pisca

Diadomingo anochi Central di Polis ta manda patruye na un adres na Alto Vista pa un caso di maltrato.

Na e sitio e oficialnan ta papia cu e victima di inicial T.T., kende ta declara cu rond di 5.30 di atardi, e tabata na e area di su negoshi  “FishermanHut” hunto cu un grupo di amigo y familiar.

Tabata trata di un encuentro familiar hunto cu amigonan y nan tabata bebiendo soppi. Un primo di dje, di inicial ET, a puntre si e por cushina soppi p’e, pero a conteste cu na e momentonan ey e tabata un tiki druk y cu e no por haci e pisca.

 

E expresion ey tabata suficiente pa ET rabia y a cuminsa un discusion entre nan dos. Segun T. a sigui conta, su primo a dale un mokete pa cual el a cay na suela y a perde conocemento.

Despues di e sucedido aki TT a bisa cu el a dicidi di cera e  negoshi y a dicidi di bay su cas pa evita mas problema.

Rond di 18:45 el a yega cas y a dicidi di bay cay di biaha riba cama.  Su casa cu a yega mas laat a constata cu na su wowo robes tin un lesion grandi cu hopi sangramento. Su casa mesora a dicidi di yama Polis.

Patruya a bisa cu nan a constata cu enberdad e tin un lesion grandi na su wowo robez y e tabatin un bolobonchi na su cabes.

Mirando cu ambulance tabata hopi ocupa cu diferente otro asistencia, nan a dicidi di hibe hospital hunto cu su casa.

Nan a consehe cu e por pidi un declaracion medico cu cual e por bay entrega keho.

Leave a Reply

Top