Homber bipolar ta haci fastioso na Sero Blanco

Dialuna, pa mas of menos 12’or di merdia, Central ta manda patruya na un adres na Sero Blanco caminda cu un muhe tabata grita pa auxilio.

N’e sitio polis a papia cu e dama di inicial S, kende a declara cu su yiu homber yama di inicial V, ta un pashent bipolar y cu el a flip.

Polis a mira cu e bentananan di nan vivienda tabata kibra y tambe tabatin juice di tamarijn completamente basha riba vloer. Riba e toonbank den cushina tabatin algun boter bashi di biña.

 

Segun S, su yiu homber lo a basha biña riba cama y tambe riba su pañanan. Polis a mira cu berdad e camber tabata reboltea y cu e cama tabata muha y tabata hole biña.

S a sigui bisa cu e y su yiu ta biba na Ecuador y a bin Aruba pa vakantie pa 3 luna y cu e dia siguiente nan lo ta bolbiendo bek Ecuador, mirando cu V ta haya crisis di bipolar y cu na Aruba no tin un clinica special pa tratamento medico pa V.

 

Polis a papia cu V, kende a declara cu e ta un pashent bipolar y ta bou di medicamento pa su problema y cu su mama a gaña di tur loke el a haci.

V na e momento ey tabata rustig y a declara cu e kier bay drumi. V a bay p’aden y e mama a bay na oficina di Copa Airlines pa asina regla e ticket pa bay na pais bek.

Central a wordo poni na altura.

Leave a Reply

Top