Homber burachi fastioso

Un informe di polis ta bisa cu diadomingo despues di 5’or di mainta patruye ta wordo manda banda di Olde Molen, pa un persona burachi y fastioso, kende tabata causa molester y tabata forma un menasa pa siguridad di otronan.\

Na e sitio polis a mira cu un guardia di e negoshi Olde Molen tabata tin un homber riba vloer wanta. Nan a constata cu e ta mustra basta bou influencia di alcohol y tabata menasa otro personanan na e sitio.

E guardia a declara cu e homber no kier a bandona tereno di Olde Molen y tabata forma un menasa pa siguridad di e guardianan.

Polis a detene e homber burachi  y a hibe na warda di Shaba unda cu el a presenta dilanti di subfiscal, kende a laga encarcel’e pa e pasa su buracheria.

 

Leave a Reply

Top