Homber deteni pa menasa dama cu morto

Diahuebs den oranan di merdia, a bati alarma pa un caso di menasa cu arma, caminda un homber tabata menasa un dama cu morto.

 

Kinan Polis a reacciona, pero e homber a logra huy for di e sitio. Polis a conseha e dama pa bay entrega keho oficial, mirando e seriedad di e caso.

E dama a haci esaki y bay bek cas, caminda el a descurbi e homber wardando riba dj’e cu seis cuchiu skerpi den su poder. Pero Polis atrobe a actua y e biaha aki a pone man rib’e homber aki.

 

E homber a keda deteni y tur seis arma blanco a wordo confisca. Cu e seis cuchiunan aki, e homber tabatin e supuesto intencion di herida of asesina e dama.

Top