Homber haya morto na un cas na Sero Largoweg

Awe mainta pa 06.29 cu Centrale Post a haya informacion cu na un adres Sero Largoweg un persona masculino a wordo encontra cu no ta duna señal di bida.

Ora cu patruye policial a yega n’e sitio a bin constata cu e tin perforacionnan di bala. N’e momento ey patruye di San Nicolas, BFTO y Recherche San Nicolas y demas autoridadnan a presenta n’e sitio. Te n’e momento aki no a identifica e persona. Polis ta pidi si tin hende cu por tin cualkier informacion yama 100 of nos tiplijn 11141.

DAMA ASESINÁ Y UN SOSPECHOSO DETENÉ

Mientras na Corsou, diasabra 9 sèptèmber 2017 alrededor di 03.37 or Central di Polis a haña notificacion cu tin un caso di hincamentu na Carriacouweg.

Mesora un patruya a bay n’e sitio y a bin topa cu un dama drumí riba cama sangrando y den un situacion hopi crítico.

Ambulance a yega n’e sitio y a constatá cu e dama no tabata duna señal di bida mas.

 

For di un investigacion preliminar cu Polis a realisá n’e sitio a resultá cu un rato promé e dama víctima aki tabatin un discusion fuerte cu un hòmber cu e (tabata)tin un relacion cuné.

Nan tabata den e cas caminda e hòmber aki ta biba. Pa un motibo cu te n’e momento aki ta den investigacion, e hòmber sospechoso aki F.A.C. naci na Còrsou, 51 aña di edad a propiná e dama víctima aki, Heloisa Adela Martina, naci na Corsou 14 juli 1973 multiple hincá n’e parti dilanti di su curpa cu consecuencia cu el a fayecé n’e sitio mes.

 

Alrededor di 03.50 or Polis a detené e sospechoso F.A.C. n’e sitio di e crímen mes.

Den e cas di e sospechoso Polis a haña y confiscá un cuchiú cu probablemente e sospechoso a uza pa cometé e crímen aki.

A presentá e sospechoso dilanti di un Fiscal auxiliar kende a duna òrdo pa su encarcelacion.

Alrededor di 04.40 or dòkter di Polis a constatá morto di e dama H. Martina.

Riba òrdo di Fiscal di Ministerio Público a confiscá e curpa sin bida di e víctima aki pa mas investigacion.

Top