Homber misterioso den cura di cas

 

Dialuna ultimo un poco pasa di mey anochi un patruya ta wordo manda den Dadelstraat pa un persona misterioso den cura di cas.

Na e sitio e patruye ta papia cu e señora doño di e cas, kende ta declara cu rond di 11.30 di anochi e tabata den su camber ora cu di repente el a mira un homber desconoci p’e den e cura. Ta trata di un homber color cla, camisa preto cu zipper blanco. E homber tabata mire via di e bentana.

El a grita duro “Ken bo ta” y ta parce cu e homber tambe a spanta y a core bay. E polisnan a cana den e cura pero no a topa cu e homber misterioso. Despues a dal un buelta den bisindario, pero e homber a disparce caba.

E señora a wordo conseha pa tuma medida di siguridad pa evita e tipo di cosnan aki den futuro.

Leave a Reply

Top