Hopi interes pa e pakete “Quick Pick Plans” di Digicel

Cu radio emisoranan transmitiendo bibo for di Digicel Tanki Leendert, mucha muhenan partiendo regalo y flyer na autonan pasando riba e caminda y cu e cantante embahador di Digicel, esta “Zyon” dunando informacion riba e paketenan nobo y tecniconan cla pa instala “My Digicel App” riba celular di tur usuario, asina e evento diasabra a transcuri.

Digicel Aruba a lansa e “Quick Pick Plans”, paketenan pre-paid nobo cu ta inclui data y “unlimited talk”, mescos cu e paketenan tradicional, pero na un miho prijs.

 

Quick Pick Plans ta inclui plannan di 1, di 7 y di 30 dia pa clientenan prepago. E plannan pa dia ta cuminsa desde Afl.1.50 y e  plan cu e miho balor ta esun di 30 dia, den cual e cliente ta paga Afl. 60 pa luna y ricibi data, WhatsApp Messenger, SMS of bo app pa social media faborito, banda di yamadanan. Sea ta Facebook, Instagram of Snapchat.

Y tambe por disfruta di d’Music App. No tin un limite di e cantidad di yamada cu por haci cu Quick Pick Plans den e periodo defini di sea 1, 7 of 30 dia. Por activa Quick Pick Plans via di “My Digicel App”.

 

E evento di diasabra a bira un berdadero exito, pasobra clientenan existente y clientenan nobo a yega na e tienda di Digicel na Tanki Leendert pa sea cumpra un celular nobo of pa activa e plan cu ta brinda usuarionan mas beneficio. Clientenan nobo a bisa cu esaki ta un motibo mas pa a uni na e famia grandi di Digicel, tanto aki na Aruba, den Caribe, Centro America y den Ocean Pacifico.

Top