HOT, e hala hubenil politico mas activo na Aruba!

 

Partido MEP ta hopi contento mirando e movecion positivo cu HOT ta haciendo p’e partido y pa e hubentud.

Desde cu e hala hubenil a keda lansa na januari ta cosnan positivo so por a scucha y mira di e hobennan di HOT. Facebook page di HOT-MEP t’esun di mas hot ultimamente cu informacion, video y potret ilustrando e entusiasmo di e hubentud.

 

Diasabra durante celebracion di himno y bandera na sede di MEP, hala hubenil HOT tabatin e placer di a reconoce 3 hoben orguyoso y talentoso. E ta un honor pa reconoce nos hobennan talentoso cu pa medio di nan pasion y nan arte ta converti den un inspiracion pa otro hobennan por sigui kere den nan soñonan y traha pa un dia e bira realidad.

Diasabra ultimo 3 persona a keda reconoci: 1. Denny Loefstop pa su amor na musica desde 5 aña cu el a cuminsa practica e instrumento di baho, a graba su prome cancion riba cd, cu tempo a sigui scol di musica pa haya mas conocemento riba musica y diferente otro instrumentonan.

El a toca riba scenarionan grandi na Aruba y den exterior na un edad hoben cu sigur ta un gran ehempel pa nos tur.

  1. Edrick Krozendijk, un hoben ehemplar cu a representa Aruba den exterior cu su deporte di ciclismo, ta pasiona cu fotografia, den su tempo liber ta drenta mondi pa captura nos naturalesa y tesoronan perdi, a participa den diferente workshop y concurso di fotografia, un studiante ehemplar di EPI y un amor di yiu pa su mayornan y famia cu ta inspira humildad y amor den tur loke e ta haci.
  2. Jerrino Bass Ridderstap no mester hopi introduccion. Na un edad di mucha a cuminsa aporta na nos festivalnan cultural, un artista cu sentimentonan masha special pa nos cultura. Cu su musica e ta laga hopi hende compronde con pa stima bo isla y alerta nos di cierto peliger den su cancionnan fuerte manera “Caiso”.

Su amor den musica a hib’e na su propio banda musical cu awe ta den e top como mihor banda di Aruba.

 

Pabien n’e 3 hobennan orguyoso y talentoso cu HOT y MEP a reconoce riba nos dia nacional. Un reconocimento mester ta un honor pa un persona sin importa for di cual organisacion e ta wordo presenta. Nos ta kere den nos hendenan, nos hobennan cu merece di tur atencion y elogio pa nan trabao.

E siguiente evento di HOT ta diarazon 29 maart, esta un live broadcasting na HOT ZONE di Cede di MEP hunto cu lider di partido mr. Evelyn Wever Croes.

Durante e broadcasting cu lo cuminsa pa 7.00 pm hobennan por haci pregunta y haya contesta di lider di partido.

 

 

Top