Huez-Comisario ta alarga y suspende detencion di Paul Croes y di Roque Aparicio

Na april di otro aña lo tin un Regiezitting

 

 

Huez-Comisario den casonan penal na Corte di Prome Instancia di Aruba a dicidi ayera pa alarga detencion preventivo di e sospechosonan Paul T.F. Croes y Roque Aparicio den e caso Ibis cu 30 dia.

Riba peticion di Ministerio Publico, Huez-Comisario a suspende detencion di e sospechoso Roque Aparicio.

Ademas Huez-Comisario a dicidi pa suspende detencion di Paul Croes riba peticion di su defensa.

Pues manera nos di AWEMainta a bin ta bisa cu esaki lo bira e caso, ora cu Ministerio Publico a laga sa cu nan lo pidi pa prolonga su detencion cu 30 dia mas, loke a ser haci, pero den mesun rosea a suspende su detencion.

 

Ex-Minister drs. Paul Croes ta wordo sospecha di a haci su mes culpable di hechonan castigable hopi grave: Ambtelijke omkoping (pasivo), malversacion, labamento di placa, falsificacion y mensensmokkel.

E schorsingnan ta bao condicionnan estricto. Ambos sospechoso no mag di tin contacto directo, ni indirecto cu testigonan y cu e otro sospechosonan den e investigacion Ibis.

 

Ministerio Publico ta mustra enfaticamente cu decisionnan di Huez-Comisario ta solamenta trata e detencion di e sospechoso, y no e caso penal riba su mes.

Huez-Comisario a confirma ayera atrobe cu ta existi acusacionnan serio contra Paul Croes y contra di Roque Aparicio.

 

E investigacion Ibis lo continua y Paul Croes ta sigui como sospechoso. E plan ta pa rond af e dossier na maart 2018, despues di cual lo por tin e Regiezitting na april 2018.

 

 

Leave a Reply

Top