IDEA hunto cu Ecorys a organisa un exitoso workshop “Project Management for entrepreneurs”

 

Departamento di Asuntonan Economico/IDEA y e compania Ecorys a organisa un workshop tocante “Project Management for entrepreneurs” den cuadro di e proyecto COSME (Caribbean Overseas Small and Medium Enterprises), cu a tuma luga na Departamento di Asuntonan Economico, riba 22 y 23 di februari 2017.

 

E proyecto di COSME ta un programa financia dor di e fondonan regional di Union Europeo cu ta destina specialmente pa e OCTnan (Overseas Countries and Territories) desde april 2014.

 

E programa tin tres obhetivo specifico:

  1. Pa reenforsa e capacidad di e Gobierno di e OCTnan den Caribe pa duna servicio na e sector di comercio.
  2. Pa mehora e capacidad di “Business Service Organizations (BSOs)” pa drenta den e maneho publico/priva y dialogo administrativo reforma cu Gobierno y duna guia na SMEs. (Small and medium enterprises – negoshinan chikito y mediano) pa loke ta trata e diferente forma legal pa maneha un negoshi, manera p. e. un negoshi propio (eenmanszaak) of un Sociedad Anonimo (N.V.).
  3. Pa promove un colaboracion mas fuerte cu comercio y relacion di inversion entre Union Europeo, CARIFORUM y e “Caribbean OCTs”.

 

Sr. Prakaash Rostam, ta e Key Expert SME & Private Sector Development Specialist den e programa di COSME y ta responsabel pa e desaroyo di e SMEnan y tambe pa nan logra haya aceso na financiamento.

 

Pa e workshop menciona, sr. Rostam a invita sra. Nicoline Mol como moderador. Desde augustus 2012, sra. Mol ta e Managing Director di Bospar Consulting N.V. E compania aki ta duna conseho na negoshinan cu kier mehora nan mes mediante di: “Risk based organizational quick scans, supply chain management, process management, anti-money laundering (AML/CFT) y HSSE compliance services and research”.

 

Algun SMEs y departamento di Gobierno cu sra. Mol a participa den nan proyecto desde 2012 te cu presente ta lo siguiente: Compra Aruba N.V., Directory of Social Affairs, Rotech Electro Techniques, Amsterdam Manor Beach Resort Aruba y High value dealers on Aruba.

 

Desde 2003 te cu juli 2012, sra. Mol a traha cu diferente proyecto di diferente instancia manera: Arubus, WEB Aruba N.V., Aruba Tourism Authority (ATA) y Centrale Bank van Aruba (CBA).

 

Pa promove un colaboracion mas fuerte cu comercio y di inversion den e OCTnan den Caribe, e meta di e encuentro aki y henter e proyecto di COSME ta pa envolvi e representantenan publico/priva adecuado y relevante pa sigura un exito total.

E participantenan cu a atende e workshop aki tabata: IDEA, DEZHI, KvK, Roadmap Solutions, NLT Aruba, Lino’s Garden, Cibaruba, Transition 2 Health, Baranca Media, Gerella by Design Sunglasses, ITP Caribbean N.V., Loui Henri Media Services VBA, Eco Power Cleaning, Grotebergweg Snack, Real Smooth Entertainment VBA, Bless N.V., Aruba Trip y futuro comerciantenan: sra. Ava Thodé, sra. Ingrid Kuiperdal y sr. Nolberto M. Torrealba Gonzalez.

 

IDEA ta gradici tur coleganan di DEZHI cu a yuda pa haci e workshop aki posibel, specialmente nos coleganan sr. Xavier Boekhoudt y srta. Clarina Geerman. Na final di e workshop tur participante a ricibi un certificado di participacion y tambe nan a keda hopi satisfecho cu e informacion cu nan ricibi durante e workshop.

Top