In Memoriam: Women’s Club of Aruba ta recorda dos miembro stima

Ta mas of menos un luna pasa cu Women’s Club of Aruba a perde dos miembro stima den un tempo hopi cortico. Ta trata di ex-Presidente Annemieke Hoftijzer y Life Member Aura Croes.

Annemieke tabata Presidente di WCA durante 1976-1977 y tabata masha activo den e diferente comisionnan cu tin di haber cu mucha p.e. Dress a Child Project y Medio Ambiente goes to School.

 

Tambe e tabata gusta masha traha den e comision di AIDS Awareness. Annemieke a pidi masha pa record’e cu un flor color oranje.

P’esey dia di e reunion general pa miembrecia dia 17 di juni ultimo, cual t’e dia tambe cu Annemieke a wordo crema na Hulanda, tur miembro a haya un flor oranje pa record’e y tuma despedida di dje.

Ex-presidente Mily Henriquez a hiba palabra durante un ceremonia cortico y a expresa Annemieke su ultimo deseonan.

 

Aura tabata un Life Member, pues tabata miembro di WCA pa mas cu 40 aña y el a wordo introduci dor di Pat Arends e.f.m. Aura tabata gusta masha traha den e comision di Save the Earth of Limpi Committee, caminda tabata entrega premio n’e scolnan di mas limpi.

Tambe Aura tabata gusta traha ora tabatin shownan di moda, caminda e por a eherce su talento y creatividad den moda, peinado y makiyahe.

Cu Señor tuma e dos boluntarionan aki den su reino celestial!

Top