Independencia òf Corsou Autonomo den Reino???

WILLEMSTAD – Despues di e medida di Alta Supervision di Hulanda caminda a dicidi di laga preparacion y ehecucion di eleccion tuma lugar bou di responsabilidad di Gobernador y no di e chabalitonan – di cual algun ta condena y otronan ta sospechoso den diferente caso penal – y despues cu a caba di tira inval den cas di e mesun Parlamentario condena aki y su socio di crimen, tanto PS como MFK a declara publicamente cu e eleccion aki mester sirbi pa scoge entre of bira independiente of keda cu relacion cu Hulanda.

 

E pueblo votador tin dos alternativa: Ta keda na pueblo awor aki pa dicidi sea bo ta confia y kere den un condenado y su grupo di hendenan sospechoso cu ta saca mentira cada ocasion cu por presenta pa nan saca beneficio personal.

Of bo ta vota pa un relacion duradero cu Hulanda y vota pa hende serio.

 

Ban mira ta cuanto hende ta hinca futuro di nan, nan yiu y nietonan den man di e Colombianito Schotte y su pandiya of cu nan ta hinké den man di un Corsou cu un relacion cu Hulanda caminda cu ora cos bay malo por subi avion ainda y busca un mihor bida na Europa.

Y caminda tin mas Antiano y Curasoleño ta biba cu na Corsou mes!

 

Dia 28 pueblo tin e oportunidad di papia si ta pa independencia (lesa blòki 12, KDNT, MFK, PS, MP, Braam y Dannawi) of pa Corsou autonomo den Reino (lesa blòki 9, MAN, PAR, PIN, PNP, Omayra Leeflang) ta scoge.

Dios spar Corsou. Un di e dianan aki ta bay tin un marcha contra criminalidat na Corsou. Ohalá e lo sirbi tambe ta un inspiracion pa pueblo alehá e grupo di politiconan corupto y criminal for di nos curpa y nos futuro.

Top