Informacion tocante Sacramento di Confirmacion

Pastor Toti Fuentebella di Parokia di Sta. Filomena, Paradera ta informa e celebracion di Sacramento di Confirmacion cual ta riba diasabra 4 di november 2017.

 

En conexion cu esaki e lesnan di preparacion pa e sacramento aki ta bay cuminsa pronto. Esaki ta conta pa e hobennan di klas 6 di Maria Goretti College, Colegio Pastoor Kranwinkel y pa hobennan cu no ta bay scol di Paradera, pero cu ta pertenece na Parokia di Paradera.

Mayornan tene bon cuenta cu e fechanan di inscripcion ta dialuna 20, diamars 21, diahuebs 23 y diabierna 24 di februari. E orario ta di 5:30 pa 6:30 na Pastorie di Paradera.

Sea asina bon di trece copia di e certificado di Bautismo. Sin e papel aki no por inscribi e hoben.

 

Tambe bin cu e nomber completo di madrina of padrino. Madrina of padrino mes mester ta batisa, ricibi y confirma. Ta pidi pa entrega un copia di e certificado di Confirmacion di e madrina y padrino.

E prome reunion pa mayor lo ta dialuna 6 di maart na Misa pa 8’or anochi. Durante e reunion aki lo duna tur e splicacion y informacion necesario.

Danki di antemano pa e cooperacion y cu Hesu Cristo Resucita sigui bendiciona bo.

Top