Inscribi pa bo no ked’afo Falta 1 siman pa e Careda di Betico

Nos ta den e ultimo siman di preparacion pa e grandioso careda di “Betico Memorial” organisa anualmente pa IBiSA. E careda ta tuma luga riba dia di Betico cu ta diaranson 25 di januari 2017, cu ta un dia oficial liber. E careda ta sali exactamente 6’or di mainta for di riba caminda grandi dilanti di Centro Deportivo Libertador Betico Croes na Sta. Cruz.

 

Inscripcion ta tumando luga y ta bayendo bon. IBiSA ta informa cu esaki ta e ultimo siman cu por inscribi pa participa na e careda. Por haci esaki na oficina principal di IBiSA situa na Frankrijkstraat 1 y tambe na IBiSA Sport Centrum San Nicolas situa na Dr. Schaepmanstraat 52, for di 8:00am stret te cu 4:00pm.

 

Un invitacion cordial ta bay na pueblo di Aruba en general y tur esnan cu tin custumber di participa na e gran careda aki pa inscribi mas pronto cu ta posibel pa bo no ked’afo.

Abo so falta. Inscribi awe mes y cuminsa cu determinacion pa traha riba bo salud y condicion fisico den 2017. Inscripcion ta cera diamars atardi, dia 24 di januari 2017 pa 4’or di atardi.

 

Pa mas informacion por tuma contacto cu oficina principal di IBiSA na telefon: 582 4987.

Top