InselAir a trece turista Corsou cu tabata bon pa 100 mion florin

WILLEMSTAD – No ta empleadonan cu ta servicio directo di InselAir so ta core risico di pèrdè nan trabou si no scapa e compania, pero tambe cuponan di trabou cu ta relatá n’e servicio aerio di InselAir.

Aki ta trata di hendenan cu ta traha na Aeropuerto mes, taxistanan, trahadornan di hotel y restaurantnan cu ta depende di turistanan cu InselAir ta trece.

 

Na 2016 InselAir a trece alrededor di 16% di tur turista Còrsou (85 mil ‘arrivals’) y a nificá 100 mion florin na entrada p’e sector di hospitalidad.

Pa loke ta impuesto di Aeropuerto InselAir a trece 12 mion florin pa aña. InselAir su contribucion total na Còrsou su economia ta alrededor di 250 mion florin.

Tambe mester còrda riba nos empresario, profesional, famia, deportistanan, etc, cu ta dependé di InselAir pa biaha entre e islanan.

Top