InselAir ta anuncia cu su buelo nan entre Còrsou y Sürinam lo keda pospone te cu dialuna 18 di decèmber 2017

WILLEMSTAD – InselAir a pospone re-introduccion di su buelonan entre Còrsou y Sürinam pa algun siman. E prome buelo lo tuma lugar dialuna dia 18 di december 2017.

Anteriormente InselAir a informa cu e buelo nan lo cuminsa opera bèk dialuna 20 di november 2017.

E fecha aki a wòrdo scogi a base di e adelanto di e terminacion di e procesonan legal cu e autoridadnan cònserni. Esaki a sosode y wòrdo finalisa.

Tin algun palabracion cu mester wòrdo concretisa pa garantisa un introduccion cu exito. Entre tanto e pasaheronan cu a cumpra un ticket pa un buelo entre 20 di novèmber y 18 di decèmber 2017 a wòrdo yamá y informa tocante di e buelonan cu a wòrdo posponi.

E pasaheronan por scoge un otro fecha òf nan por haña nan sen bèk.

Leave a Reply

Top